Sunday 26 May 2013

Khotbah Matius 16:13-20, Pekan Keluarga Wari II, 03 Juni 2013

Introitus : 
Janah Kukataken pe man bandu: Kam kap Petrus, batu si nteguh, janah ibabo batu palas enda me Kupajekken perpulungenKu, si la tertaluken aminna pe alu kinirajan kematen (Matius 16: 18)

Ogen : Epesus 2: 20-22; Khotbah : Matius 16: 13-20

Tema : “Jabu E Me Gereja”

Kata Perlebe
Jabu si ratur ras sada perarih bage pe erkemalangen man Tuhan, jadi alat Pekabar Injil (PI) si megegeh kal. Ndauh i bas ukur serap, sipandang punjuten ras erbana-bana, mbelin kal mpengaruhi jelma (jabu) i sekelewatna. Uga banci jadi keluarga si bage? Guna si e arus lit upaya anggota jabu e sendiri gelah banci tercipta keluarga si teratur ras sada ukur. Tambah si e si la banci lang e me gegeh Tuhan si ndemi ras si ikut erdahin i bas jabu e.

Ise dage si berperan aktif mabai jabu e ratur, sada perarih ras erkemalangen man Tuhan? Si pemene lebe e me Bapa ras Nande. Sabab bagin pemena lebe ijadiken Dibata jadi sada keluarga e me Bapa ras nande (bdk. Kejadin 1: 27). Buah ersadana arih Bapa ras Nande lit pupus (keturunen) bekas pemasu-masun Dibata (bdk. Kejadin 1: 28). Litna keluarga si ijadiken Dibata labo guna dirina sendiri. Tapi guna Tuhan, e me “ngkuasai doni ras naluken isina” menurut cara Tuhan si teridah tole i bas Kejadin 2: 15 e me “ngusahai isina.” Si ngelakokenca e me “Keluarga” (Bapa, Nande ras Anak-anak). Alu kata si deban, litna ijadiken Dibata keluarga e gelah fungsional, erguna man keluarga e sendiri bage pe man sekelewetna janah i bas si e terpuji gelar Tuhan arah jabunta.

Tafsiren Pustaka Si Badia
I bas bahan khotbah wari si peduaken enda, e me Matius 16: 13-20 ikataken maka pengakun Petrus kerna Jesus e me kap Mesias, Anak Dibata si nggeluh (Ayat 15-16). Pengakun enda mpetangkas perbedaan pendapat Kalak Jahudi kerna Mesias siiakuken Petrus. Ia Anak Dibata si nggeluh ertina Jesus Kristus jadi palas i bas kegeluhen kalak si tek. Pengakun Petrus enda me batu palas menaken perpulungen Tuhan ibangun erpalas batu si enteguh (Ayat 17-19). Arah si enda teridah maka i bas Tuhan ngenca jabu banci sikap, sebab doni enda la ngasup mperlengkapi keluarga/jabu naksken kerna Tuhan. Megati siidah jabu e enggo “iterangi” ras “isirai” doni enda. Melala keluarga Kristen si enggo terbawa arus zaman enda, enggo nilah arah sura-sura Dibata njadiken keluarga. Misalna: pasangen si lanai harmonis i ja perbulangen riahen akapna ndahiken dahinna asangken mperdiateken jabuna, ndehara pe bage ka; lit deba “perang dingin” i bas jabu, lanai sicakapen aminna gia tading i bas sada rumah; lit deba saling menyalahken; lit deba tadingkenna jabuna, tading ia ras orang tuana; lit deba pengelako orang tua lanai siangkan i bas jabu anak-anakna; lit deba anggota jabu kena narkoba, judi, kisat erdahin tapi merhat nggeluh senang; lit deba riahen akapna ercakap-cakap ras kalak si deban asagken ras ndeharana entah perbulangenna; lit deba ngenanami kekerasen fisik (ipekpek) pasangenna, ras si debanna. Uga baci keluarga si bage ersaksi entah jadi peberita berita si meriah (gereja) si ngataken Jabu E Me Gereja? Jabu si ersada ras Dibata alu bulat ukur ngenca tahan uji i bas pengaruh doni enda nari ras kedungenna ngasup naksiken kerna Tuhan Dibata ras keleng ateNa (Josua 24: 15b.) Ertina jabu e me gereja si maba kiniuilin, la mementingken diri sendiri, mpeturah kesetian i bas jabu, salng menghormati, alu kata si deban jabu harus ndalanken 5S (Sikelengen, Siangkan, Siangken, Siteken, ras Sitedehen). Enda me pendilo guna kerina anggota jabu.

Pendidiken kiniteken e me bagin si penting man anak-anak. Enda jadi tugas ras tanggung jawab orang tua ndidiksa seh ku bas kedewasaen, kiniteken ras memenuhi kebutuhen jasmanina. Guna si e: si pemena si la banci lang iperlengkapi e me kita sendiri selaku orang tua alu tutus ngorati Kata Dibata, banci kita jadi usihen (lit si mehuki si banci iusih anak-anak i bas kita nari), caranta ndidik (pola asuh) nandangi anak-anakta mbelin kal pengaruhna mbentuk kepribadian, sifat ras karakter anak-anakta e. Bage gia, aminna gia kita lenga “berhasil” ndidik anak-anakta nggeluh ratur, la berarti kita lenga metunggu erBerita Si Meriah. Terus kita erlajar menata diri, keluarga janah setia kita ndalani proses waktu mabai keluarganta ku si ngena ate Dibata. Guna nambahi pengangkaita uga mperlengkapi ras pendampingen orang tua man anak-anakta, i jenda isuratken kami pendapat sekalak Psikolog, si ngajar i bas Fakultas Psikologi UKRIDA Jakarta, Debora Basaria Hutabarat M.Psi, si imuat i bas Koran Suara Pembaruan, Kamis, 27 Maret 2011. Gelah banci kita ndeher, dekat ras anak-anakta kita mesti jadi “sahabat bagi anak-anak” nina. Guna si e lit 6 cara e me: 1. Menyediakan waktu bagi anak. Kesibuken pekerjaan bukan jadi alasan yang tepat ketiadaaan waktu bersama anak. Waktu yang terbatas jika diisi dengan suatu kualitas komunikasi yang baik akan menjadi sesuatu yang berarti buat anak. 2. Terlibat bukan sekedar melihat. Keterlibatan orangtua dalam kegiatan anak bukan hanya melihat aktivitas anak akan berdampak pada terjalinnya hubungn yang lebih dekat antara anak dan orangtua. Misalna lit kegiaten anak KA-KR, siusahaken sihadiri. 3. Melindungi bukan mengurung. Pola asuh yang terlalu melindungi anak terkadang dapat membawa dampak yang buruk bagi perkembangan anak. Anak menjadi terbelenggu dan terkekang pada akhirnya muncul sifat “membangkang” pada anak. 4. Berbincang bukan berbicara. Berbincang merupakan komunikasi dua arah antara orangtua dan anak. Ada diskusi antara anak dan orang tua sehingga kedua belah pihak dapat saling bertukar pikiran. Sedangkan berbicara komunikasi satu arah. 5. Mendengarkan secara aktif. Tidak semua orang sanggup menjadi pendengar yang baik terutama saat berhadapan dengan anak-anak. Sering kita memotong pembicaraan anak, misalnya; “nanti saja bicaranya, mama lagi sibuk”. Jika demikian, anak merasa tidak diperhatikan dan diabaikan. 6. Tegas bukan keras. Sikap tegas orang tua dalam mengasuh dan mendidik anak tidak perlu dilakukan dalam bentuk kekerasan, misalnya ketika melarang anak melakukan sesuatu, tidak perlu membentak anak. Tidak selamanya kekerasan menyelesaikan persoalan. Pengarapennta tambahan informasi enda banci tole nampati kita mperlengkapi anak-anakta gelah i bas geluhna anak-anakta pe ikut er-Berita Si Meriah.

I bas ogenta Epesus 2:20-22, menurut Paulus kata ipajekken i jenda lit kaitenna ras ekklesia (Gereja) entah pe megati ikataken sebage keluarga (jemaat) Dibata siipajekken ras siitamaken rasul-rasul ras nabi-nabi, i ja palas persukina e me Kristus. Para rasul ras nabi me si tangtangna meritaken kerna Kinirajan Dibata, siipercayaken Kristus man bana. Emaka peran rasul ras nabi e me penting i jenda. Adi ikaitken ku bas jabu maka kerina anggota jabu me bagin susunen kerina bangunen Rumah Pertoton. Jadi, jabu e me Rumah Pertoton (Epesus 2: 21). I bas persadaan ras Kristus kerina iranggut jadi sada rumah, i ja Dibata ringan i bassa (Ayat 22).

Kalak si enggo nggejapken penampat Tuhan, s enggo njadiken Tuhan me sekawalna, lanai bersikap pasif, sebalikna aktif/responsif: “Mari sembah Aku”..ningku, “Minter aku reh Tuhan”. Jadi penggejapen si mbages kerna karya Tuhan i bas geluh sekalak si erkiniteken perlu kal ipeturah ras ipupuk gelah responna nandangi pendilo Tuhan spontan ras terus menerus. Perlu ka pe si nembah man dibata-dibata si deban nehken persembahenna man dibatana alu maksud mbujuk dibatana gelah nehken kai si ipindona. Tapi cara ersembah kalak Kristen, nginget perkuah ate ras penampatNa, emaka kai si enggo ialoken i bas Tuhan, irespon alu kesetiaen ndalanken kai si ngena ateNa. Kengasupen guna nggejapken perkuah ate ras kiniulin Tuhan e adi enggo terpelihara alu mehuli, janah enggo ka terlatih terus menerus i bas kalak Kristen erbahanca ia jadi kalak si tutus si teridah alu muat bagin i bas kegiaten-kegiaten gereja, janah setia ka mpersembahken kai si lit i bas ia.

Pengkenaina
Selaku jabu Kristen (pasti enggo megiken Berita Si Meriah e) la banci lang idilo lako meritaken Berita Si Meriah selaku saksi i bas kerina dampar geluh si tep-tep wari. Umpamana i bas pendahin selaku perjuma, erbisnis, erdahin i bas kantor, erbinaga, pegawai negeri, bas peradaten ras perkade-kaden ras si debanna. Kerina enda silakoken erpalasken penggejapennta maka kita enggo idilo guna ersaksi kerna Kristus ku kalak si deban man Dibata. Si enda silakoken sebage tanda ketutusen ras kesetiaannta.

Penutup
Persadan jabu i bas keluarga Kristen tuhu mehuli, i bas nggeluh rembak ras Dibata bage pe kemalemen ate i bas kerina isi jabu. Terlebih-lebih jadi usihen man kalak si deban.
E maka i bas kerina jabunta, keluarga Kristen, pakekenlah keleng ate Tuhan gelah kita erusaha njadiken persadaan jabu i bs keluarga Kristen. Alu bage me maka kita jumpa kemalemen ate ras terpuji gelar Dibata, enda me si ikataken Jabu E Me Gereja. Amin.

Pdt. Abdi E. Sebayang, M.Th
GBKP Depok - LA


Artikel lain yang terkait:



0 komentar:

Post a Comment