Wednesday 9 May 2012

Khotbah Matius 5:17-48, Pekan Keluarga Wari III (Selasa, 5 Juni 2012)

Introitus : Perukurenndu bali min ras perukuren Kristus Jesus (Filipi 2 : 5)
Ogen : Filipi 2 : 4 – 11; Khotbah : Matius 5 : 17 – 48
Thema :
PEBELIN BIAK KRISTUS IBAS JABU KALAK KRISTEN

(2) Kenca enggo kita nuriken tentang sira ras terang ibas berngi si peduaken, maka ibas berngi sipeteluken enda si cakapkenkerna piga-piga hal erpalasken Matius 5 : 17-48 eme:
  1. Pengajaren kerna undang-undang Agama Jahudi (5:17-20)
  2. Kerna merawa (5:21-26)
  3. Kerna erlua-lua (5:27-30)
  4. Kerna ngulihken ndehara (5:31-32)
  5. Kerna ersumpah (5:33-37)
  6. Kerna erbalas (5:38-42)
  7. Ngkelengi imabang-imbang (5:43-48)
Tapi adi bas Alkitab bahasa indonesia hanya sada topik eme Yesus dan hukum Taurat. Ibas sienda ituriken Yesus terdauhen ibas khotbahNa idatas uruk eme:
  1. Kerna hukum Taurat ras dirina
  2. Kerna hubungenbas jabu/keluarga
  3. Kerna hubungen antara sesama manusia
Kalak Jahudi sehkal patuhna nandangi Taurat, janah Taurat eme merupakan aturen si meganjangna ibas perdalanen kegeluhen baik beragama bagepe bermasyarakat. Emaka arah pernyataan Yesus maka kalak si erlajar erpalasken undang-undang e maka kai si ipelajari, iajarken harus i dalanken, labo hanya kepura-puraan lain ikataken, lain idalanken/munafik. Emaka Yesus alu tegas ngataken, ise silangikutken si enggo i suratken e, aminna gia begin sikitikna, janah ibabaina papak kalak sideban, ia me si lameh ergana ibas kinirajan surga. Janah sebalikna, ise singikutken ras mabai kalak guna ngikutken kai si enggo isuratken e ia me simbelinna ibas kini rajan surga (ayt 19). Janah ibas kegeluhen sebagai kalak Kristen eme ertutus ate guna ndalankenca/mperaktek kenca ibas kegeluhen setiap-tiap wari.

(2) Emaka Yesus mabai kalak si enggo tek gelah banci membuka hubungen antara keluarga si enggo i persada ibas jabu erpalasken keleng ate Dibata. Jabu si enggo i persada maka harus menjaga keutuhen jabuna (suami istribagepe anak-anak). Sebab i tengah-tengah masyarakat gundari sangat berkembang hal-hal si labo i arapken jabu-jabu. Gundari enggo reh buena si idah kalak silanai ngergaken perjabunselingkuh (erlua-lua), lanai bo siperbulangen ngenca tapi pe ndehara enggo si idah selingkuh. Bagepe peningkaten angka perceraian tahun ku tahun terus meningkat. Hal enda me i soroti Yesus ibas KhotbahNa i datas uruk: ula erlua-lua, ula ngulihken dehara (perceraian). Sebab si dua hal enda ncedaken masa depan pribadi bagepe keluarga, labo lit kemajuan i datken kalak si erlua-lua, tapi kehancuren ngenca. Bagepe perceraianerbahanca luka batinman suami-istri bagepe anak-anak. Jabu sienggo i persada harus terus membina erpalasken sura-sura Dibata sebab kai sienggo/persadaken Dibata labanci i sirangken manusia, pala sirang kematen.

(3) Yesus nerusken KhotbahNa, kuga ka membina hubungen antara sesama manusia, eme kuga kita bergaul sada ras sidebanna, baik arah perkataan bagepe arah pengerana. Ibas kegeluhenta enda merawa/emosi labo menyelesaiken masalah malahan nambahi masalah, emaka Yesus ngajarken kerina pengikutNa gelah ula merawa, ula ngisak-ngisak, ula ban sangkut ukur senina tahpe teman sebab si enda kerina langena ate Dibata, janah adi enda terus i kembangken, maka paksana pagi kita iadili janah ndabuh kubas dosa. Bagepe kalak Kristen la banci ersumpah, sebab ersumpah enda labo membina Iman malahan arah e iblis banci engkuasai diri kalak Kristen, janah megati pe sumpah enda hanya pebujur-bujur bana janah sumpah palsu, ersumpah ia belaskenna kata latuhu emaka megati bas pusuh pe rubati antara benar ras salah (iblis ras Tuhan). Erbalas pe merupaken perbuaten si labo i benarken Dibata, sebab nina Dibata man Abraham, ise numpahi kam maka ku sumpahi ka ia (Kejadian 12:3). Sebab adi i kembangken cara-cara erbalas (hukum rimba)maka punahlah manusia enda, sebab kerina kal manusia enda lit kelepakenna sebab nina kuan-kuan karo: Lepak-lepak jelma lit denga kebujurenna janah bujur-bujur jelma lit denga kelepakenna. Berarti manusia enda harus saling memaafken labo membalas perbuaten kalak man banta. Ertina kita kalak si erkiniteken harus erbahan si mehuli terus menerus man kalak aminna gia megati labo bagi ukurta ibahana, sebab sisadari maka Dibata sierbalas simehuli man banta. Tuhan Yesus nerusken ku ngkelengi ibang imbana. Hal enda si meserakal ndalankenca ibas kegeluhen kalak karo. Sebab lit kuan-kuan: Lateku sada matawari pe ras sianu ah; hal enda terungkap erkiteken enggo mekeleksa kal perbahanen kalak man ia, tapi sienda lanai berlaku bas kalak Kristen. Adi kalak Kristen iajak guna engkelengi imbang-imbang, ras tetap i totoken si labagi ukurta, sebab Dibata banci erbahan erkusur ukurna dungna erbahan si mehuli ibahanna nandangi kita.

(4) Arah kai sienggo iungkapken idatas eme: Hukum Taurat ras dirinta, hubungen ibas jabu ras keluarga bagepe hubungen antara sesama manusia.
Banci sidat eme:
  1. Ngawan ni perpulungen ibas pekan keluarga ta tahun enda ngantusi maka kerina kita terus menerus erlajar nandangi kata Dibata baik pribadi bagepe keluarga, maka siantusi kugakin biak-biak nggeluh sebagai anak-anak Tuhan. Kata Dibata menyadarken kita kerina gelah ngasub kita nadingken biak-biak doni enda eme: lanai erjudi/ertogel, lanai ngelola lokalisasi/prostitusi, lanai mabuk-mabuk, lanai nipu, erbual ras korupsi, erbinaga Narkoba.
  2. Ngawan ni perpulungen baik suami-istri bagepe anak-anak sebagai keluarga Kristen si rohani harus menghindari dirina ibas pergaulan bebas, erlua-lua/selingkuh. Harus ngergaken keutuhen jabu, mendidik anak-anak alu payo erpalasken kata Dibata (Efesus 6:1-4). Emaka ngasup ngumban biak-biak Kristus ibas jabu eme lit kekelengen, keriahen hubungen jabu tetap harmonis, pelihara sapa, senyum dan sukacita.
  3. Ngawan ni perpulungen harus terus menjaga pikiren, pengerana ras perbahan. Berpikir positif, buat positif ras ngerana pe positif. Biak-biak Kristus lapernah erbalas, ngerana pe malem ate kalak, pikirenna pe laperna mendendam, tapi arah kata-kata si lemah lembut ia memaafken kalak silabagi ukurna.
  4. Emak arah berngi si peteluken enda mabai kita kubas sada sikap hidup: Engkelengi Tuhan Dibata ras ngkelengi teman manusia. Engkelengi Tuhan Dibata eme arah kita rajin ku persekutuan: Gerja, PJJ, PA-PA. Meritaken berita si meriah i benaken ibas jabu-nta nari bapa, nande bagepe anak-anak kerina jadi perberita simeriah. Bage engkelengi teman manusia, maka kita harus sikeleng-kelengen ibas jabu, bagepe i tengah-tengah masyarakat. Ras nggit kita nampati temanta arah kai silit ibas kita. Emaka mari si pebelin biak Kristus ibas jabunta.
SELAMAT PEKAN KELUARGA
(Pdt. A. Brahmana S.Th, 081317054961, GBKP Pondok Gede)


Artikel lain yang terkait:



1 komentar:

Unknown said...

bisakah saya dapat versi bahasa indonesianya ? hehe. terimakasih.
dewinataliaa7@yahoo.com (alamat email saya)

Post a Comment